https://pagead2.googlesyndication.com/pagead/js/adsbygoogle.js?client=ca-pub-2356296066345381
Daily public Quetta/Karachi/Faisalabad

کوئٹہ کسٹم کے دو آفیسر گرفتار کروڑوں روپے کے چوری کا انکشاف

دونوں اہلکاروں چاندی کے بسکٹوں کو سیسے سے تبدیل کرنے کے شبہ میں گرفتار کر لیا گیا تھا۔

کوئٹہ کسٹم میں ہیرا پھیری کے بڑے کیس میں دو آفیسر گرفتار کروڑوں روپے کے چوری کا انکشاف ہواہے
مزیر معلومات کے مطابق کوئٹہ کلکٹریٹ کے دوافسران پر ضبط کی جانے والی چاندی کی چوری کا جرم ثابت ہونے پر دونوں افسران کو گرفتارکرکے قانونی کارروائی کا آغازکردیاہے۔ مزید تفصیلات کے مطابق کوئٹہ کلکٹریٹ نے دو پریونٹیو افسران کو چاندی کے بسکٹوں کو سیسے سے تبدیل کرنے کے شبہ میں گرفتار کر لیا ہے۔

ذرائع کے مطابق پانچ اپریل2026کو ضبط شدہ 688کلوگرام چاندی کے بسکٹ کو کوئٹہ سے پاکستان منٹ لاہورمحفوظ منتقلی کے لئے عارف علی جمانی اورسمیع اللہ اچکزئی پر مشتمل ایک ٹیم تشکیل دی گئی ،تاہم دونوں افسران نے اسٹیٹ ویئرہاﺅس کوئٹہ سے 36سیل بند ڈبوں میں چاندی کولاہورمنتقل کیاگیا،بعد ازاں تمام سیل بندڈبے پاکستان منٹ لاہورپہنچائے گئے جہاں دونوں افسران اورمنٹ کے عملے کی موجودگی میں ڈبوں کو کھولاگیا،تفصیلی جانچ پڑتال کے بعد ایہ انکشاف ہواکہ 688کلوگرام چاندی میں سے400کلوگرام چاندی کے بجائے سیسہ برآمدہوا۔کسٹمز انفورسمنٹ کلکٹریٹ کوئٹہ نے اس معاملے کے حقائق جاننے کے لیے ایک ٹیم تشکیل دی۔ تحقیقات کے دوران سیف سٹی کوئٹہ کی سی سی ٹی وی فوٹیج سے معلوم ہوا کہ چاندی کی محفوظ ترسیل کے ذمہ دار دونوں افسران نے دانستہ طور پر اصل چاندی لے جانے والی گاڑی کو ایک دوسری گاڑی سے تبدیل کیا جس میں اسی وزن کی جعلی چاندی یعنی سیسے کے بسکٹ موجود تھے۔اس انکشاف پر دونوں افسران کے خلاف مقدمہ درج کر کے انہیں گرفتار کر لیا گیا ہے۔ مزید قانونی کارروائی اور تحقیقات جاری ہیں تاکہ اس جرم میں ملوث دیگر افراد یا اہلکاروں کی ممکنہ شمولیت کا تعین کیا جا سکے

Leave A Reply

Your email address will not be published.

https://pagead2.googlesyndication.com/pagead/js/adsbygoogle.js?client=ca-pub-2356296066345381