ڈیلی پبلک | اہم خبر
پہاڑ گرنے کا خدشہ: ژوب–ڈیرہ اسماعیل خان شاہراہ 2 دن کے لیے مکمل بند
شیرانی: دہانہ سر کے مقام پر پہاڑی تودے گرنے کے شدید خدشے کے پیشِ نظر ژوب–ڈیرہ اسماعیل خان روڈ پر حفاظتی کام کے باعث ٹریفک کی آمد و رفت 25 اور 26 ستمبر کو مکمل طور پر معطل رہے گی۔
ضلعی انتظامیہ شیرانی نے مسافروں اور ٹرانسپورٹرز سے اپیل کی ہے کہ وہ ان دو دنوں کے دوران اس راستے پر سفر کرنے سے مکمل گریز کریں تاکہ کسی بھی ناخوشگوار حادثے سے بچا جا سکے اور اپنی حفاظت یقینی بنائی جا سکے۔ انتظامیہ کے مطابق سڑک کی بحالی اور حفاظتی اقدامات مکمل ہوتے ہی شاہراہ دوبارہ کھول دی جائے گی۔

